Muital midjiide iežat oainnu!

Mii bovdet du oassálastit Meahciráđđehusa dutkamuššii njála suodjaleami birra. Go vástidat, de veahkehat min ipmirdit, mot olbmot davvin Suomas, Ruoŧas ja Norggas dovdet njála eallindiliid, ja maid sii jurddahallet njála suodjaleami birra. Jearahallan ollašuhttojuvvo NBÁ (Nuortameara, Bárentsa ja Árktalaš guovllu) -ruhtademiin, man lea juolludan Suoma Olgoriikkaministeriija. Ruhtadeami viggamuššan lea ovddidit Fennoskandia njállanáli nannendoaimmaid Bárentsa guovllus. Jearahallama ollašuhttá Meahciráđđehus. Ulbmilin lea ovddidit ovttasbarggu báikkálaš olbmuiguin, geat orrot golmma riikka (Suopma, Ruoŧŧa, Norga) njállaguovlluin.

Don leat válljejuvvon álbmotdiehtovuogádagas soaittáhagas. It dárbbaš makkárge ovdadieđuid, vai sáhtát vástidit jearahallamii. Go vástidat, de ovddastat čuđiid iežat guovllu olbmuid. Du oainnut leat midjiide dehálaččat.

Oassálastin lea álki – vástit jearahallamii liŋkkas, mii lea vulobealde. Vástideaddjit oassálastet vuorbádeapmái, go mii vuorbádit golbma 100 euro árvosaš GoGift skeaŋkakoartta.

 


Vástit jearahallamii »

På svenska

På norsk

Suomeksi

 

 

 

  • Kysymys
    Manin mii leat válljen du?

    Mii leat ožžon du dieđuid Digi ja álbmotdiehtodoaimmahaga álbmotdiehtovuogádagas. Vástideaddjit leat válljejuvvon registaris soaittáhagas.

  • Kysymys
    Gii sáhttá oassálastit dán jearahallamii?

    Buohkat, geaidda dát oassálastinbovdehus lea sáddejuvvon, sáhttet vástidit jearahallamii. Vástideapmi bistá sullii 10 minuhta. Du oassálastin lea aivve eaktodáhtolaš. Jos háliidat, sáhtát maid gaskkalduhttit iežat oassálastima goas fal.

  • Kysymys
    Mo jearahallamii sáhttá vástidit?

    Jearahallamii sáhtát vástidit suomagillii, ruoŧagillii, dárogillii ja davvisámegillii dihtoriin dahje mobiilarusttegiin. Oaidninhehttejuvvon olbmui lea álkimus geavahit mobiilarusttega.

Jeara eanet dieđuid dutkamuša birra

arcticfox@taloustutkimus.fi

 

  • Tilaaja
    Čujuhusa álgovuođđu

    Čujuhusgáldu:
    Suomas: Digi ja álbmotdiehtodoaimmahat, Čujuhus Lintulahdenkuja 2, 00530 HELSSET
    Ruoŧas: Bisnode Sverige. MIA 0851901360.
    Norggas: Dun&Bradstreet Norway

  • Tilaaja
    Jearahallama deavdin osiid mielde

    Sáhtát giddet jearahallama ja máhccat deavdit dan eará háve.

  • lukko
    Luhtolašvuohta

    Dutkanprošeavtta ollašuhttima oassálastiin dušše Taloustutkimus gieđahallá du persovdnadieđuid (namma- ja čujuhusdieđut). Taloustutkimus ii luobat dáid dieđuid ovddosguvlui, ii lavtte dieđuid vástádusaide, ja duššada dieđuid diehtodorvvolaččat dan maŋŋel go jearahallanáigi lea nohkan. Dutnje ii sáddejuvvo makkárge “ruskapoasta” dan maŋŋel go leat oassálastán jearahallamii.
    Taloustutkimus vurke du vástádusaid ja fuolaha dain luhtolaččat. Bohtosiid analyseremis du vástádusat ovttastahttojit eará jearahallamii oassálastiid vástádusaiguin. Dutkamušas čoggojuvvon dieđuin almmustahttojit dušše fal almmolaš statistihkalaš čoahkkáigeasut. Čoggojuvvon vástádusmateriála sáhttá luobahit ovddosguvlui eiseválddiid atnui, vai dat sáhttet plánet ja čohkket statistihkaid.
    Go vástidat jearahallamii, de vástideaddji miehtá, ahte su vástádusat geavahuvvojit ovdalis namuhuvvon geavahanulbmiliid várás. Vuorbádeami oktavuođadieđut geavahuvvojit dušše bálkkašumiid vuorbádeami várás. Taloustutkimus ordne bálkkašumiid vuorbádeami.

    Lassedieđuid dan birra, mo dieđut geavahuvvojit, ja makkárat du vuoigatvuođat leat, oaččut fierbmesiiddus https://www.taloustutkimus.fi/etusivu/tietosuoja.html

    Lassedieđuid addá Taloustutkimusa diehtosuodjevástideaddji: tietosuoja@taloustutkimus.fi